Let’s Do It Kosova do të organizojë nesër aksion pastrimi në Lagjen Berkoc, afër varrezave të qytetit të Gjakovës.

Aksioni do të fillojë në orën 11:00, ndërsa do të realizohet në kuadër të projektit të Zyrës së Bashkimit Evropian në Kosovë “Let’s Do It Legal” i cili zbatohet nga Fondacioni Kosovar për Shoqëri Civile (KCSF), ndërsa implementohet nga Let’s Do It Kosova.

Ky aksion do të realizohet në bashkëpunim me Komunën e Gjakovës, Kompaninë Rajonale të Pastrimit “Çabrati”, IFK-në, Qendrën e komuniteteve Brekoc, Bethany Services, Shoqatën e peshkatarëve, Shoqatën e Gruas, Grupin e Vullnetarëve nga kisha protestante dhe Rininë Kosovare Evropiane.

Let’s Do It Kosova edhe më tej ju bën thirrje qytetarëve që në mënyrë masive të marrin pjesë në aksione të tilla të pastrimit, në mënyrë që të largohen mbeturinat e shumta dhe të rritet vetëdija për mbrojtje të mjedisit.

Në kuadër të projektit “Let’s Do It Legal” po organizohen edhe tryeza rajonale me akterët përgjegjës për mjedisin, ku po diskutohet për Udhëzimin Administrativ për Ndëshkime me Gjoba Mandatore.